Qostanaı oblysyndaǵy Tobyl ózeninde izdestirý-qutqarý jumystary Nechaevka aýylynyń mańynan er adam men kámeletke tolmaǵan qyzdyń máıiti tabylýymen aıaqtaldy, dep habarlaıdy infohub.kz.
Eki kún boıy Qostanaı oblysy TJD qyzmetkerleri izdestirý jumystaryn júrgizdi. Birinshi kúni súńgýirler kámeletke tolmaǵan qyzdyń máıitin sýdan taýyp, shyǵardy. Kelesi kúni er adamdy izdeý jalǵasyp, onyń máıiti de tabylyp, jer betine kóterildi.
Operasıa barysynda qutqarýshylar Tobyl jaǵalaýynyń shamamen 2,5 sharshy shaqyrymyn jaıaý tekserdi. Qosymsha ushqyshsyz ushý apparaty paıdalanylyp, onyń kómegimen 12,05 gektar aýmaq qaraldy. Súńgýirler ózen túbiniń 39 myń sharshy metrin tekserdi.
İzdestirýge polısıa qyzmetkerleri, jergilikti atqarýshy organdardyń ókilderi, eriktiler jáne jergilikti turǵyndar tartyldy. İzdestirý-qutqarý jumystary aıaqtaldy, dep habarlady TJD.
Áleýmettik jelilerde qaıtys bolǵandar áke men qyz bolǵany aıtylýda.