Qazaqstan Prezıdenti Qasym-Jomart Toqaev Qyrǵyzstan Prezıdenti Sadyr Japarovty el táýelsizdiginiń 35 jyldyǵymen quttyqtap, jedelhat joldady, dep habarlaıdy infohub.kz saıty.
Memleket basshysy quttyqtaýynda bul mereıli kún qyrǵyz halqynyń bostandyq, egemendik pen táýelsizdikke degen umtylysyn bildiretinin atap ótti. Osy jyldar ishinde Qyrǵyzstan qalyptasýdan turaqty damýǵa deıingi joldy laıyqty ótip, memlekettiligin nyǵaıtty, baı rýhanı murasyn saqtap, halyqaralyq arenada bedeldi memleketke aınaldy. Buǵan aıqyn dálel — Qyrǵyz Respýblıkasynyń BUU Qaýipsizdik Keńesine 2027-2028 jyldarǵa turaqty emes múshe bolyp saılanýy.
Quttyqtaýda elderimizdi ǵasyrlar boıy jalǵasyp kele jatqan dostyq pen tatý kórshilik dástúrlerine negizdelgen shynaıy baýyrlas qarym-qatynastar baılanystyratyny atap kórsetilgen. Qasym-Jomart Toqaev eki halyqtyń ıgiligi úshin strategıalyq áriptestik pen odaqtastyqtyń odan ári qarqyndy nyǵaıatynyna senim bildirdi.
Qazaqstan Prezıdenti Sadyr Japarovqa jaýapty memlekettik qyzmetinde tabys tilep, baýyrlas qyrǵyz halqyna bereke men baqyt tiledi.