Qazaqstan Prezıdenti Qasym-Jomart Toqaev Malaızıa, Grýzıa jáne Brýneı-Darýssalamdaǵy Qazaqstan Respýblıkasynyń Tótenshe jáne Ókiletti Elshilerin taǵaıyndaý týraly jarlyqqa qol qoıdy, dep habarlaıdy infohub.kz saıty.
Prezıdenttiń baspasóz qyzmetiniń Telegram-arnasynda málim bolǵandaı, Málik Myrzalın Qazaqstan Respýblıkasynyń Malaızıadaǵy Tótenshe jáne Ókiletti Elshisi bolyp taǵaıyndaldy. Bul rette ol Grýzıadaǵy elshi qyzmetinen bosatyldy.
Elshiliktiń dereginshe, Málik Myrzalın 1971 jyly 31 qazanda Aqtóbede dúnıege kelgen. 1996 jyly Máskeý memlekettik halyqaralyq qatynastar ınstıtýtyn bitirgen. Eńbek jolyn Qazaqstan Respýblıkasynyń Reseı Federasıasyndaǵy elshiliginde bastaǵan. Ár jyldary Soltústik Qazaqstan oblysynyń ákimdiginde, Prezıdent isteri basqarmasynda, Qazaqstan Respýblıkasynyń Din isteri agenttiginde qyzmet etken. Aqmola oblysynyń ákimi bolǵan. Qazaqstannyń Grýzıadaǵy elshisi bolyp taǵaıyndalǵanǵa deıin Qazaqstan Respýblıkasy Prezıdenti Ákimshiligi basshysynyń orynbasary qyzmetin atqarǵan.
Onyń ornyna Qazaqstannyń Grýzıadaǵy Tótenshe jáne Ókiletti Elshisi bolyp Talǵat Adýov taǵaıyndaldy. Tıisti jarlyqqa qol qoıyldy.
Onyń ómirbaıanynda 1976 jyly 20 naýryzda dúnıege kelgeni jazylǵan. Marmara Túrik memlekettik ýnıversıtetin «ekonomıka» mamandyǵy boıynsha bitirgen. Syrtqy ister mınıstrliginiń túrli komıtetteri men departamentterinde, Qazaqstan Respýblıkasy Prezıdentiniń Ákimshiliginde jumys istegen.
Sondaı-aq «QazAvtoJol» UK» AQ basqarma tóraǵasynyń orynbasary, Premer-Mınıstr Keńsesi basshysynyń orynbasary, «Otandastar» qory» KeAQ birinshi vıse-prezıdenti qyzmetterin atqarǵan.
Sonymen qatar memleket basshysynyń jarlyǵymen Bolat Súgirbaev Qazaqstandy Malaızıada budan bylaı ókildemeıdi. Ol qosa atqarýshy retinde eldiń Brýneı-Darýssalamdaǵy Tótenshe jáne Ókiletti Elshisi bolyp taǵaıyndaldy.