Qazaqstan Prezıdenti Qasym-Jomart Toqaev Joǵary aýdıtorlyq palatanyń tóraǵasy Alıhan Smaıylovpen kezdesip, oǵan Qorǵanys mınıstrliginde búdjet qarajatyn paıdalaný tıimdiligine júrgizilip jatqan jospardan tys aýdıttiń barysy týraly esep usynyldy. Bul týraly infohub.kz saıty habarlaıdy.
Memleket basshysynyń baspasóz qyzmetiniń málimetinshe, aýqymdy tekseris 50 nysandy, onyń ishinde 48 áskerı bólimdi qamtıdy. Ony júrgizý úshin memlekettik aýdıt júıesiniń jetekshi mamandarynan, sondaı-aq aqparattyq tehnologıalar jáne baılanys salasynyń sarapshylarynan top qurylǵan.
«Aýdıt aıasynda Qarýly kúshter qyzmetiniń barlyq negizgi baǵyttary boıynsha istiń jaı-kúıine baǵa beriledi. Atap aıtqanda, áskerı bólimshelerdi materıaldyq-tehnıkalyq qamtamasyz etý, jeke quramdy daıarlaý, áskerı jattyǵýlar ótkizý, áskerı ınfraqurylymdy damytý, qarý-jaraq pen tehnıkany jańǵyrtý, sıfrlyq júıelerdiń jumys qabileti», — delingen habarlamada.
Sonymen qatar prezıdentke aıaqtalǵan memlekettik qorǵanys tapsyrysy aýdıtiniń nátıjeleri baıandaldy. Onyń qorytyndysy boıynsha Joǵary aýdıtorlyq palata úkimetke jáne beıindi memlekettik organdarǵa anyqtalǵan buzýshylyqtardy joıý úshin 57 naqty usynym men tapsyrma joldady.
Toqaevqa sondaı-aq ekonomıkalyq damý men áleýmettik salanyń basym baǵyttaryn qamtıtyn josparly aýdıtorlyq tekseristerdiń barysy týraly baıandama usynyldy.
Alıhan Smaıylov Astanada ótken Azıanyń joǵary aýdıt organdary uıymy basqarma keńesiniń 63-shi otyrysynyń qorytyndylary týraly da aıtty. Oǵan aımaqtyń 19 eliniń ókilderi qatysty. Mundaı formattaǵy is-shara Qazaqstanda alǵash ret ótkizildi.
«Kezdesý qorytyndysy boıynsha prezıdent Qorǵanys mınıstrligine aýdıt júrgizý jáne memlekettik aýdıttiń búkil júıesin odan ári damytý jóninde birqatar naqty mindetter qoıdy», — dep qosty Aqordada.
Eske salaıyq, Mańǵystaý oblysynda áskerı qyzmetshilerdiń qaza tabýynan keıin Qasym-Jomart Toqaev Qazaqstan Qorǵanys mınıstrligindegi istiń jaı-kúıin keshendi tekserý jónindegi komısıa qurý týraly ókimge qol qoıǵan bolatyn. Odan keıin Qazaqstan Respýblıkasynyń Joǵary aýdıtorlyq palatasy Qorǵanys mınıstrligine memlekettik aýdıt júrgizýge kiristi.
Tragedıa 24 qyrkúıekte oqý-jaýyngerlik mindetti oryndaý barysynda boldy — aýa raıynyń kenetten jáne kúrt nasharlaýy men ekpindi jeldiń saldarynan Kaspı teńizine 17 áskerı qyzmetshini aǵyzyp áketti, olardyń 14-i qaza tapty.