Qazaqstan Prezıdenti Qasym-Jomart Toqaev Mańǵystaý oblysyndaǵy áskerı oqý-jattyǵý kezinde bolǵan qaıǵyly oqıǵa saldarynan qaza tapqan áskerı qyzmetshilerdiń týǵan-týystaryna qaıǵyra kóńil aıtyp, atalǵan jaǵdaıdy tergeý jóninde tapsyrmalar berdi, dep habarlaıdy infohub.kz saıty.
Aqordanyń Telegram-arnasynda málim bolǵandaı, Memleket basshysy Úkimettik komısıaǵa bolǵan oqıǵanyń mán-jaıyn anyqtaý jáne qaza tapqandardyń otbasylaryna kómek kórsetý úshin barlyq qajetti sharalardy qoldanýdy tapsyrdy.
Qaıǵyly oqıǵa búgin, 24 qyrkúıekte Mańǵystaý oblysynda boldy. Qazaqstan Respýblıkasy Qarýly Kúshteriniń Áskerı-teńiz kúshteri oqý-jaýyngerlik mindetterin oryndaý barysynda Kaspı teńiziniń jaǵalaýynda aýa raıynyń kúrt nasharlaýy men jeldiń kúsheıýine baılanysty áskerı qyzmetshilerdi teńizge aǵyzyp áketti.
Qorǵanys mınıstrliginiń aldyn ala málimetinshe, teńizge 19 áskerı qyzmetshi aǵyzylyp ketken. Qazirgi tańda 9 áskerı qyzmetshiniń qaza tapqany tirkeldi.
Bas prokýratýra Aqtaý garnızonyndaǵy oqý-jattyǵý kezinde áskerı qyzmetshilerdiń qaza tabý faktisi boıynsha qylmystyq is qozǵalyp, tergelip jatqanyn habarlady.
Aqtaýlyq bloger Azamat Sarsenbaev Mańǵystaý oblysyndaǵy tótenshe jaǵdaı ornynan beınejazba jarıalady.
Áskerı qyzmetshiler qaza tapqannan keıin Úkimettik komısıa qurylyp, oqıǵa ornyna Premer-mınıstrdiń orynbasary Qanat Bozymbaev jiberildi.