Qazaqstan Prezıdenti Qasym-Jomart Toqaev Úndistan premer-mınıstri Narendra Modıge týǵan kúnine oraı quttyqtaý jedelhatyn joldap, úndi úkimetiniń basshysyn Qazaqstanǵa memlekettik saparmen kelýge shaqyrdy, dep habarlaıdy infohub.kz saıty.
Qazaqstan Prezıdentiniń baspasóz qyzmeti málim etkendeı, óz joldaýynda Qasym-Jomart Toqaev Narendra Modıdiń myqty ári dana basshylyǵymen Úndistan ekonomıkalyq ósim, turaqty damý jáne ǵylymı-tehnıkalyq áleýet boıynsha álemdik kóshbasshylardyń qataryndaǵy ornyn nyǵaıtyp kele jatqanyn atap ótti.
Memleket basshysy sondaı-aq BRIKS samıtine qatysý úshin Nú-Delıge jasaǵan sapary barysynda kórsetilgen jyly qonaqjaılyq pen iltıpat úshin Úndistan úkimetiniń basshysyna alǵys aıtty.
Narendra Modımen bolǵan ekijaqty kezdesýdiń tabysty qorytyndysyn atap ótken Prezıdent ony Qazaqstanǵa memlekettik saparmen kelýge shaqyrdy.
Qasym-Jomart Toqaev premer-mınıstrge memlekettik qyzmette tabys, al baýyrlas úndi halqyna ıgilik pen órkendeý tiledi.
Eske salaıyq, jaqynda Qasym-Jomart Toqaev Nú-Delıdegi BRIKS samıti aıasynda Úndistan premer-mınıstri Narendra Modımen kezdesip, onda Astana Hub-tyń úndistandyq Cyberabad-pen yntymaqtastyǵy talqylanǵan bolatyn.