Qazaqstan Prezıdenti Qasym-Jomart Toqaev Norvegıa koroli Hokon VIII-ge taqqa otyrýyna baılanysty quttyqtaý jedelhatyn joldady, dep habarlaıdy infohub.kz saıty.
Jedelhatta memleket basshysy bylaı dep atap ótti: «Bul aıtýly oqıǵa norveg monarhıasynyń kóp ǵasyrlyq tarıhynda jańa bet ashady — ol sabaqtastyqtyń, birliktiń berik sımvoly ári ulttyq bolmystyń ajyramas bóligi. Sizdiń adal qyzmetińiz eldiń odan ári damýyna jáne halqynyń ıgiligine yqpal etetinine senimdimin».
Qazaqstan Prezıdenti sondaı-aq ortaq kúsh-jigerdiń arqasynda qazaq-norveg yntymaqtastyǵy odan ári nyǵaıa túsetinine senim bildirdi.
Eske salaıyq, 28 tamyzda 89 jasynda Norvegıa koroli Harald V qaıtys boldy. Ol aýrýhanada tynysh kóz jumǵany habarlandy. Harald V-niń qaza tapqany týraly habardan keıin taq dereý onyń uly Hokonǵa ótkeni belgili boldy.
Buǵan deıin Qasym-Jomart Toqaev ákesi — kоról Harald V-niń qaıtys bolýyna baılanysty Norvegıa koroli Hokon VIII-ge kóńil aıtý jedelhatyn joldaǵan edi.
9 qyrkúıekte Qazaqstannyń Norvegıadaǵy elshisi Ádil Tursynov Osloda ótken kоról Harald V-niń memlekettik jerleý rásimine qatysty.