AQSh prezıdenti Donald Tramp Aq úıdegi bal zalynyń qurylysyn jalǵastyrýǵa Joǵarǵy sottan ruqsat aldy. Jumystardy eki jylda aıaqtaý josparlanýda, dep habarlaıdy infohub.kz.
RBK The Wall Street Journal-ge silteme jasap habarlaǵandaı, ákimshilik Aq úıdiń shyǵys qanatyn buzǵannan keıin, tarıhı murany saqtaý qory bal zalynyń salynýyna qarsy sotqa shaǵymdanǵan. Alaıda Joǵarǵy sot ony qabyldamady.
Sheshim sýdıalardyń bes-tórt daýysymen qabyldandy. Sot qordyń qurylysqa qarsylyq bildirýge negizi joq dep taýyp, qazirgi ýaqytta ony toqtatý Tramp ákimshiligine «orny tolmas zıan» keltiretinin aıtty.
Gazettiń jazýynsha, sot Kongrestiń ruqsatynsyz qurylystyń zańdylyǵyn qarastyrmaǵan. Shaǵym top músheleriniń biriniń joba onyń «estetıkalyq, mádenı jáne tarıhı múddelerine» qaıshy keletini týraly málimdemesine negizdelgen. Sýdıalar Joǵarǵy sot tájirıbesine sáıkes, «jaı ǵana renish, kelispeýshilik nemese jaǵymsyz qatynas» shaǵym úshin jetkiliksiz ekenin atap ótti.
Amerıkalyq kóshbasshy bul qýanyshty jańalyqty óziniń Truth Social áleýmettik jelisinde de bólisti. Tramp qurylystyń merzimin de belgiledi.
«2028 jyldyń jazynda qurylys aıaqtalǵannan keıin, keremet bal zaly men áskerı keshen búkil eldiń maqtanyshyna aınalady», — dedi Aq úı basshysy.
Eske salaıyq, 2025 jyldyń qazanynda Vashıngtonda Aq úıdiń shyǵys qanatyn jańǵyrtý bastalǵany belgili bolǵan. Tramptyń aıtýynsha, munda úlken bal zaly salý josparlanýda. Sondaı-aq jobanyń quny da aıtylǵan.
Keıin tarıhı murany qorǵaýshylar bal zalynyń salynýyna tyıym salýdy talap etken. Biraq sot bul máselede prezıdenttiń jaǵyna shyqty.
Al bıylǵy jyldyń tamyzynda AQSh apelásıalyq soty prezıdent Donald Tramp ákimshiligine Aq úı aýmaǵynda bal zalynyń qurylysyn jalǵastyrýǵa tyıym salǵan bolatyn.