Kalıfornıada Donald Trampqa tıesili gólf-klýbtyń janynda qarýly er adam ustaldy. Oqıǵa AQSh prezıdentiniń sapary qarsańynda boldy, dep habarlaıdy infohub.kz.
Jergilikti polısıanyń málimetinshe, jasyryn jumys istegen federaldy agentter 2 tamyzda kúdikti adamdy baıqaǵan. Polısıanyń aıtýynsha, "bul adam gólf alańynyń aýmaǵynda serýendep, fotosýretter men beınejazbalar túsirip, qaýipsizdik sharalaryn josparlaý is-sharalaryn baqylaǵan".
Ustalǵan adam — 38 jastaǵy Djanın Djon Tele, ol qamaýǵa alynǵan kezde tonaýǵa kúdik boıynsha tergeýde bolǵan. Ustaý kezinde odan patrondary bar magazın tárkilense, kóliginen oqtalǵan tapansha men oq-dáriler tabyldy. Kúdiktiniń úıinen de qarý, bronejılet jáne "úreıli málimdemeleri" bar birneshe dápter tabyldy.
Aıta ketý kerek, 2026 jyly Donald Trampqa birneshe ret qastandyq jasaý áreketi týraly habarlanǵan bolatyn. Sáýirde Aq úıdegi korespondentter qaýymdastyǵynyń keshki asy kezinde Washington Hilton qonaq úıinde atys boldy, oǵan Tramp pen AQSh ákimshiliginiń basqa ókilderi qatysqan edi. Oqıǵadan keıin amerıkandyq kóshbasshy Aq úıde baspasózge shyǵyp, shabýyldaýshynyń birneshe qarýy bolǵanyn aıtyp, atqyshtyń nysanasy ózi bolýy múmkin ekenin jetkizdi. Keıin kúdikti sheneýnikterge qastandyq jasaǵanyn moıyndady. Maýsymda FBR Aq úıdegi UFC týrnıri kezinde bolýy tıis qastandyqtyń áshkerelengenin habarlady. Osy jyldyń shildesinde Izraıl AQSH-ty Trampqa qastandyq jasalýy múmkin ekendigi týraly eskertken bolatyn.