AQSh prezıdenti Donald Tramp amerıkandyq kınoındýstrıadaǵy daǵdarysty málimdep, jergilikti stýdıalarǵa salyq jeńildikterin engizýdi kongreske usyndy, dep habarlaıdy infohub.kz saıty.
Bul bastamany ol «Oskar» syılyǵynyń ıegeri, akter Djon Voıtpen kezdesýde talqylady. Buǵan deıin Tramp ony Gollıvýd isteri jónindegi óziniń arnaıy ókili etip taǵaıyndaǵan bolatyn.
«Gollıvýd — bul tolyq jáne múldem apat! Ataǵy dańqty bolǵanymen, onda jumys múldem joq. Óndiris Kanada men basqa elderge kóship ketti, al AQSH-ta eshteńe túsirilmeıdi. Djon jáne salanyń basqa da kóptegen ókilderi federaldy salyq yntalandyrýlaryn engizýdi usynyp otyr, bizdiń kıno bıznesimizdi qaıtadan uly etý úshin», — dedi Aq úıdiń basshysy.
AQSh prezıdenti stýdıalardyń shetelge jappaı ketýi Kalıfornıa men basqa shtattarǵa eleýli ekonomıkalyq zıan keltiredi dep sanaıdy.
Tramp bul másele boıynsha kongrestegi eki partıanyń kóshbasshylarymen konsýltasıalar uıymdastyrǵysy keledi jáne salyq jeńildikterine amerıkandyq búdjettiń shyǵyndary jumyspen qamtýdyń ósýi men federaldy búdjet kiristeriniń arqasynda «on ese óteledi» degen senim bildirdi.