Donald Tramp Ormýz buǵazyn «Tramp buǵazy» dep qaıta ataýdy usynyp, bul sý joly AQSh áskeriniń baqylaýynda ekenin alǵa tartty, dep habarlaıdy infohub.kz.
Amerıka prezıdenti óziniń Truth Social áleýmettik jelisinde: «Endi ol AQSh baqylaýynda bolǵandyqtan, Ormýz buǵazyn "Tramp buǵazy" dep ózgertý kerek emes pe? Amerıkanyń ózi sıaqty, ol da burynǵydan da "ystyq" bolady!» dep jazdy.
Buǵan deıin, bıylǵy jyldyń naýryz aıynda, AQSh prezıdenti Ormýz buǵazyn «Amerıka buǵazy» dep ataý nemese oǵan óz atyn berý múmkindigin baıyppen qarastyryp jatqany habarlanǵan edi. Sol kezde Tramp bul múmkindikti joqqa shyǵarmaı, bul taqyrypta kópshilik aldynda ázildegen bolatyn.
Ol sonda: «Olarǵa Tramp buǵazyn ashýǵa týra keledi. Ormýzdy aıtyp otyrmyn. Keshirińiz, keshirim suraımyn. Qandaı jaman jańylys. Árıne, jalǵan jańalyqtar onyń tiliniń shalysqanyn aıtady. Biraq joq — mende kezdeısoqtyq bolmaıdy. Bolmaıdy da» dep málimdegen.