Qazaqstan prezıdentiniń pýlyndaǵy jýrnalıs Ádil Baltabaev Donald Tramptyń óz qaramaǵyndaǵy qyzmetkerge túngi qońyraý shalǵanyn, sol kezde AQSh kóshbasshysy Qasym-Jomart Toqaevqa sálem joldaǵanyn aıtty, dep habarlaıdy infohub.kz.
Aldyńǵy kúni Qasym-Jomart Toqaev AQSh Ókilder palatasynyń búdjet jáne salyq komıtetiniń tóraǵasy Djeıson Smıtpen, sondaı-aq kongresmender Greg Merfı, Kerol Mıller, Ronnı Djekson, Ýeslı Bell jáne Edvard Keıspen kezdesti. Bul kezdesýge BAQ ókili retinde qatysqan Ádil Baltabaev Smıttiń Donald Tramptyń qońyraýy týraly aıtqan sózin keltirdi. Onyń aıtýynsha, Aq úıdiń basshysy oǵan túngi ekide qońyraý shalyp, "Qasym-Jomart Toqaevqa sálem joldaýdy" ótingen.
"Búgin túngi ekide maǵan prezıdent Donald Tramp qońyraý shaldy. Men oǵan birneshe saǵattan keıin Sizben kezdesetinimdi aıttym. Ol Sizge eń jyly tilegin jetkizýdi ótindi jáne Sizder arasynda qalyptasqan senimdi ári syndarly qarym-qatynasqa rızashylyǵyn bildirdi", — dep Smıttiń sózin keltirdi jýrnalıs.
Kongresmenniń aıtýynsha, Tramp Qasym-Jomart Toqaevty Maıamıdegi G20 samıtinde kútetinin de jetkizgen.