AQSh Prezıdenti Donald Tramp jasandy ıntellekttiń qarqyndy damýyn toqtata turý týraly usynysqa qarsy shyqty. Bul usynysty buǵan deıin Anthropic kompanıasynyń basshysy Darıo Amedeı jasaǵan bolatyn. Amerıka kóshbasshysynyń aıtýynsha, mundaı bastamalardyń artynda «táýekelderdi asyra kórsetip, bolýy ekitalaı senarılerdi kóterip otyrǵan óte jaǵymsyz kúshter» tur, dep habarlaıdy infohub.kz saıty.
Tramp AQSh qajet bolǵan jaǵdaıda jasandy ıntellekt salasynda jumys isteıtin kompanıalarǵa belgili bir shekteýler engize alatynyn atap ótti. Alaıda onyń pikirinshe, tehnologıany synaýshylar «bolmaıtyn nárseler týraly aıtyp otyr».
«Biz jasandy ıntellekt salasynda Qytaıdan ozyp kelemiz. Biz álemdegi eń ozyq elmiz jáne shynymdy aıtsam, osylaı qalýyn qalaımyn, óıtkeni jasandy ıntellekt jarysynda kim jeńse, túbinde sol jeńedi», — dedi AQSh Prezıdenti.
Eske salaıyq, buǵan deıin Claude chat-botyn ázirleýshi Anthropic kompanıasynyń basshysy Darıo Amedeı neǵurlym qýatty jasandy ıntellekt modelderiniń qarqyndy damýyn toqtata turýǵa shaqyrǵan edi. Onyń ustanymyn SpaceX negizin qalaýshy Ilon Mask pen OpenAI bas dırektory Sem Áltman qoldady. Mask, atap aıtqanda, 2014 jyly jasandy ıntellekt «ıadrolyq qarýdan da qaýipti» bolýy múmkin dep aıtqanyn málimdedi.