AQSh prezıdenti Donald Tramp tehnologıalyq kompanıalardyń jasandy ıntellekt damýyn tejeý týraly usynystaryna qatysty salmaqty málimdeme jasady, dep habarlaıdy infohub.kz saıty.
Amerıka kóshbasshysy Truth Social áleýmettik jelisindegi jazbasynda JI-diń qarqyndy damýyn toqtata turý bastamasyna jaýap berdi. Onyń aıtýynsha, jasandy ıntellektti baqylaý nemese shekteý úshin qajet jalǵyz shara — IQ-y joǵary kúshti ári aqyldy prezıdent, al AQSH-ta ondaı adam jetip artylady.
Tramp óz ákimshiligi JI salasyndaǵy adamdarǵa zulymdyq jasaýǵa nemese qaýipti áreketterge barýǵa jol bermegenin atap ótti. Mysal retinde ol Anthropic kompanıasynyń Darıosyn keltirip, prezıdenttiń sózinshe, ol qazir «perishtege aınalyp» júr. Memleket basshysy AQSh osy baǵytta jumysyn jalǵastyratynyna sendirip, elde osy kompanıalardy baqylaýǵa múmkindik beretin qylmystyq quqyq pen retteý salasyndaǵy zor ókilettikter bar ekenin aıtty.
Sonymen qatar Tramp JI men derekter ortalyqtaryna qarsy «aýrý qastandyq» uıymdastyrylyp jatqanyn málimdedi. «Buǵan tek Qytaı qýanady. JI jarysynda kim jeńse, jalpy jeńiske jetedi. Biz Qytaıdan da, qalǵandardan da ozyqpyz, kóshbasshylyqty odan ári ustaımyz. Qastandyq teorıalarynyń jaqtaýshylary, memleketke satqyndar, opasyzdar jáne aqparatty aǵyzatyndar — saq bolyńdar! Osy máselege nazar aýdarǵandaryńyzǵa rahmet!» — dep jazdy AQSh prezıdenti.
Eske salaıyq, buǵan deıin Claude chat-botyn jasaýshy Anthropic kompanıasynyń basshysy Darıo Amodeı qýattyraq jasandy ıntellekt modelderiniń qarqyndy damýyn toqtata turýǵa shaqyrǵan bolatyn. Onymen SpaceX negizin qalaýshy Ilon Mask pen OpenAI bas dırektory Sem Áltman kelisti. Mask 2014 jyly-aq JI «ıadrolyq qarýdan da qaýipti bolýy múmkin» dep aıtqanyn málimdedi. Tramp jýrnalıserdiń suraqtaryna jaýap berip, bul málimdemelerdi synǵa aldy.