Paramount пен Hasbro «Трансформерлер» сериясының сегізінші фильмін түсіруге дайындалып, жобаға танымал есімдерді қайтаруды көздеп отыр: Стивен Спилберг шығармашылық жетекшілікті өз мойнына алады, ал Майкл Бэй режиссерлік орындыққа оралу туралы келіссөз жүргізіп жатыр, деп хабарлайды infohub.kz сайты.
Спилберг бұған дейін алғашқы екі «Трансформерге» атқарушы продюсер болып, франшизаның шығармашылық бөлігіне жауап берген. Енді ол продюсер Лоренцо ди Бонавентурамен бірге барлық негізгі шығармашылық шешімдерді қайтадан қадағалайтын болады.
Бэй әзірге келіссөздің бастапқы кезеңінде жүр, бірақ сценарийді оқып, Спилбергпен кездесіп те үлгерген. Серияның алғашқы бес фильмін дәл осы Бэй түсірген. Ол 2007 жылы франшизаны бастауыш болған және әлемдік прокатта 5,4 млрд доллардан астам қаражат жинаған картинадан басталды.
Жаңа фильм әзірлеудің бастапқы сатысында тұр. Сценарийін Джейсон Фукс жазған, оқиға қазіргі заманда өрбиді. Сюжеттің егжей-тегжейі мен актерлік құрам әзірге құпияда сақталып отыр.
Киностудиялар Skydance-ке біріккеннен кейін «Трансформерлер» жаңа басшылықтың басым жобаларының біріне айналды. Еске салайық, Paramount пен Warner Bros. Discovery ресми түрде бір компанияға біріккен болатын. Алайда шығармашылық индустрия өкілдері мен кино мен телевидениеге қатысы бар адамдар бұл бірігуді аса қуанышпен қарсы алмады.
Айта кетейік, соңғы жылдары «Трансформерлер» франшизасы бұрынғы танымалдылығын айтарлықтай жоғалтып, 2000-жылдардың соңындағыдай мәдени құбылыс емес, керісінше ойыншықтар мен мерч үшін алып брендке айналды.
Сонымен қатар басты кейіпкерлердің бірі Оптимус Праймды енді кім дыбыстайтыны белгісіз. Бұған дейін Kursiv LifeStyle кейіпкерге атақты дауысын сыйлаған Питер Калленнің жақында қайтыс болғанын жазған еді. Оның дауысы «Трансформерлерде» франшиза пайда болғаннан бері шығып келді, сондықтан оны алмастыру ерекше қиын болады.