AQSh prezıdenti Donald Tramp Gaza sektorynda HAMAS pen basqa da toptardy tolyq qarýsyzdandyrýdy kózdeıtin «tarıhı» kelisimge qol jetkizilgenin habarlady, dep málimdeıdi infohub.kz saıty.
Bul týraly Aq úıdiń basshysy óziniń Truth Social áleýmettik jelisinde jazdy. «Bul kelisim — Gaza sektorynyń aqyry jańa palestına úkimetiniń basqarýyna ótýine baǵyttalǵan mańyzdy qadam. Jańa úkimet Beıbitshilik keńesimen tyǵyz jumys istep, palestına halqyna kómektesedi. Sonymen qatar, Izraıl ózine tıesili qaýipsizdikke ıe bolady, óıtkeni Gaza endi terorıstik shabýyldardyń bazasy retinde paıdalanylmaıdy», — delingen Tramptyń málimdemesinde.
Onyń aıtýynsha, bul 20 tarmaqtan turatyn «Tramp josparyn» iske asyrýdaǵy mańyzdy kezeń. Kelisim muqıat ázirlengen kestege sáıkes kezeń-kezeńimen oryndalatyn bolady. «Qarýsyzdaný aıaqtalǵan saıyn ızraıl áskerleri shyǵarylady, al Halyqaralyq turaqtandyrý kúshteri jańa palestına polısıasymen birge Gaza qaýipsizdigin onyń turǵyndary men kórshi memleketter úshin qamtamasyz etý jaýapkershiligin óz moınyna alady», — dep túsindirdi Tramp.
Óz habarlamasynda ol deldal bolǵan Egıpet, Katar jáne Túrkıaǵa alǵys bildirdi.