AQSh prezıdenti Donald Tramp AQSh pen Ońtústik Koreıanyń birlesken áskerı jattyǵýlarynyń aýqymy aıtarlyqtaı qysqaratynyn málimdedi. Bul sheshimdi ol Soltústik Koreıa kóshbasshysy Kım Chen Ynmen ornatqan «óte jaqsy qarym-qatynaspen» baılanystyrdy.
Tramp óziniń Truth Social platformasyndaǵy jazbasynda bul jattyǵýlardyń qymbatqa túsetinin, shyǵynnyń kóp bóligin AQSh kóteretinin (ádettegideı) jáne olar «mýldem orynsyz jáne dushpandyq» sıgnal jiberetinin atap ótti.
Tramp sondaı-aq Ońtústik Koreıanyń jaqynda Irandy «ıadrolyq qarýsyzdandyrý» boıynsha AQSH-qa qosylýdan bas tartqanyn, bul eki el arasyndaǵy áskerı yntymaqtastyqtyń qysqarýyna ákelýi múmkin ekenin aıtty.
Aıta ketý kerek, Tramp Soltústik Koreıa kóshbasshysymen sońǵy ret 2019 jyly júzbe-júz kezdesken. Onyń Kım Chen Ynmen qarym-qatynasy AQSH-tyń dástúrli syrtqy saıasatynan erekshelenedi.
AQSh pen Ońtústik Koreıa dúısenbide turaqty áskerı jattyǵýlaryn bastaýy tıis edi. Alaıda Tramptyń málimdemesi bul jattyǵýlardyń sıpatyna áser etýi múmkin.
Bul — sońǵy jańalyq, qosymsha málimetter jaqyn arada beriledi.