AQSh prezıdenti Donald Tramp Eýropalyq Odaqtyń amerıkandyq sıfrlyq kompanıalarǵa salǵan aıyppuldaryna narazylyq bildirip, jaýap retinde aıtarlyqtaı tarıfter engizetinin eskertti, dep habarlaıdy infohub.kz.
Óziniń Truth Social áleýmettik jelisinde Tramp jańa aıyppul týraly bylaı dep jazdy: «Eýropalyq Odaq taǵy da óz ádetine salyp, uly amerıkandyq kompanıalarǵa tikeleı shabýyl jasaýda!» Ol EO buǵan deıin Apple, Amazon, Meta kompanıalaryna aıyppul salǵanyn, al qazir Google-ge 1 mıllıard dollarǵa jýyq jańa aıyppul salynǵanyn atap ótti – Google-ge qatysty aıyppuldardyń jalpy kólemi 18 mıllıard dollardan asty.
«Bul zańsyz jáne óte kemsitýshilik sıpattaǵy tájirıbe Djo Baıden ákimshiliginiń birinshi jylynda bastalǵan edi, biraq Tramp ákimshiligi kezinde jalǵaspaıdy. Amerıka Qurama Shtattary – Eýropanyń "qaltasy" emes, biz ózimizge osylaı qaraýǵa jol bermeımiz!» – dedi amerıkandyq kóshbasshy.
Aq úı basshysy óziniń jazbasyn tergeý bastaý týraly resmı málimdeme dep qaraýǵa bolatynyn aıtty. «Eýropalyq Odaq osy zańsyz jáne óte etıkaǵa jatpaıtyn áreketteri úshin óte joǵary baǵa tóleýge májbúr bolady, men olardy saldary týraly birneshe ret eskertken bolatynmyn. Barlyq osy sanksıalar tolyǵymen joıylady jáne biz qysqa merzimde EO-ǵa qarsy aıtarlyqtaı tarıfter engizýdi kózdep otyrmyz», – dep jazdy AQSh prezıdenti.