Zertteýshiler Koha taıaqshasynyń rv2531c geni stress kezinde glýtamatty GAMK-ǵa aınaldyrýǵa jaýapty ekenin anyqtady. Bul jańalyq týberkýlezge qarsy jańa preparattar jasaýǵa ákelýi múmkin, dep habarlaıdy infohub.kz saıty.
UF Scripps bıomedısınalyq ınovasıalar men tehnologıalar ınstıtýtynyń bıohımıkter toby Lýıs Pedro Karvalonyń jetekshiligimen týberkýlez bakterıasyndaǵy rv2531c geniniń jasyryn rólin anyqtady. Jumys nátıjeleri PNAS jýrnalynda jarıalandy. Buǵan deıin bul gen polıamınderdiń jınaqtalýyna qatysady dep eseptelgen edi, alaıda jańa derekter múldem basqa mehanızmdi kórsetedi.
Gen bóletin ferment stress áserinen belsendirilip, glýtamın qyshqylyn joǵary jyldamdyqpen gamma-amınomaı qyshqylyna (GAMK) aınaldyra bastaıdy, bul Koha taıaqshasyna metabolızm, sıgnal berý jáne qorǵanys úshin qajet. Karvalonyń aıtýynsha, qalypty jaǵdaıda ferment joǵary belsendilik tanytpaıdy, sondyqtan onyń naqty maqsaty uzaq ýaqyt boıy baıqalmaı qaldy.
Ǵalymdar basqa patogenderde, sonyń ishinde alapes qozdyrǵyshtary men bezgek plazmodılerinde myńǵa jýyq uqsas genetıkalyq tizbekterdi tapty. Bul jańalyq antıbıotıkterdi ázirleý jáne dárige tózimdilikpen kúresý tásilderin qaıta qaraýǵa múmkindik beredi.