Almatyda Bek Air áýekompanıasynyń burynǵy basshysy Nurlan Jumasultanovqa qatysty tergeý júrip jatyr. Bul týraly jýrnalıs Mıhaıl Kozachkov óziniń telegram-arnasynda habarlady, dep jazady infohub.kz.
Kozachkovtyń málimetinshe, 9 qyrkúıekte sot eks-basshyǵa úıqamaq túrindegi bultartpaý sharasyn sanksıalaǵan. Jýrnalısiń atap ótýinshe, qylmystyq is 2019 jylǵy avıaapatqa qatysy joq.
«Osy qylmystyq ispen qatar, Almaty áýejaıynyń aýmaǵynda saqtalǵan "Fokker-100" ushaqtarynyń qozǵaltqyshtarynyń joǵalýyna baılanysty taǵy bir is tergeldi. Urlyqqa kýágerler de, beınejazba da bolmaǵan, biraq avıaapattan keıin bir iz ashyldy. Apatqa ushyraǵan "Fokker-100" ushaǵynda urlanǵan qozǵaltqyshtardyń bireýi turǵan — ony nómiri boıynsha anyqtady. Iaǵnı, bireý konservasıalanǵan ushaqtan aýyr agregatty alyp, ony Bek Air-ǵa tıesili laınerge aýystyryp qoıǵan», — delingen avtordyń jazbasynda.
Bas kólik prokýratýrasy NUR.KZ tilshisine is boıynsha tergeý júrgizilip jatqanyn rastady. «İsti UQK ortalyq apparaty tergep jatyr, qadaǵalaýdy BKP júzege asyrady. Qylmystyq is júrgizý kodeksiniń 201-babyna sáıkes ózge aqparat jarıa etýge jatpaıdy», — dedi vedomstvoda.