Shyǵys Qazaqstan oblysyndaǵy Ýlan aýdanynda 600-den astam pedagogtiń derbes derekteriniń jaıylýyna jol berilmedi, dep habarlaıdy infohub.kz.
Anyqtalǵandaı, mektepter men balabaqshalar mindetti medısınalyq tekserýden ótkizý boıynsha satyp alý týraly habarlandyrýlardy jarıalaý kezinde qujattamaǵa óz qyzmetkerleriniń tolyq tizimin tirkegen. Osylaısha, memlekettik satyp alý portalynda shekteýsiz adamdar toby úshin ashyq qoljetimdilikte qyzmetkerlerdiń tolyq saýalnama derekteri (TAÁ men JSN), atqaratyn laýazymdary, turǵylyqty mekenjaılary men jeke baılanys telefon nómirleri qalǵan. Bul qupıa aqparattyń taralýyna tikeleı qaýip tóndirgen.
Prokýratýranyń qadaǵalaý aktisi boıynsha buzýshylyqtar tolyǵymen joıylyp, zańsyz jarıalanǵan 611 qyzmetkerdiń derekteri jurtshylyqtan alynyp tastaldy. Kináli laýazymdy tulǵalar zańda belgilengen jaýapkershilikke tartyldy, – delingen habarlamada.
SHQO prokýratýrasy derbes derekterdi zańsyz jınaý, óńdeý nemese taratý úshin Qazaqstan Respýblıkasynyń zańnamasynda qatań ákimshilik jáne qylmystyq jaýapkershilik kózdelgenin eske saldy.