Uly saıahatshylar (7 - synyp)
Túsinik hat.
Materıkter men muhıttar geografıasy – mektep geografıasynyń eń qyzyqty, oqýshylardyń tanymdyq qabiletin arttyrýǵa múmkinshiligi joǵary býyny. Sondyqtan da bul usynylyp otyrǵan «Uly saıahatshylar» atty 7 - synypqa arnalǵan elektıvti kýrsta oqýshylar sol materıkter men muhıttardy zertteýshi – saıahatshylardyń ómiri men qyzyqty da qaterli, qıyn saparlary, ashqan jańalyqtary, qaldyrǵan eńbekteri týraly jan jaqty málimetter ala alady.
Sonymen qatar oqýshylar bul kýrsta saıahatshylardyń ómirimen tanysyp qana qoımaı, olardyń júrgen jerleriniń jolsyzbalaryn keskin kartaǵa túsirip, globýs, kartada baǵdarlaýǵa, ár túrli ólshem syzý jumystaryn júrgize otyryp saramandyq jáne túrli shyǵarmashylyq tapsyrmalar da oryndaıdy.
Oqý kýrsynyń mazmuny oqýshylardyń tanym belsendiligin damytýǵa, óz betimen izdenýge jáne geografıa pánine degen qyzyǵýshylyǵyn arttyrýǵa baǵyttalǵan.

Maqsaty:
Materıkter men muhıttardyń ashylýyna zor úles qosqan zertteýshi - saıahatshylardyń ómiri men qyzyqty da qaterli, qıyn saparlary, ashqan jańalyqtary, qaldyrǵan eńbekteri týraly jan jaqty málimetter berý arqyly oqýshylardyń bilimderin damytyp, tereńdetý, oqýshylardyń pánge degen qyzyǵýshylyǵyn arttyrý;

Mindeti:
 Oqýshylardyń izdenimpazdyq qasıetterin qalyptastyrý, shyǵarmashylyqqa jeteleý;
 Oqýshylardyń tanymdyq jáne ıntellektýaldyq daǵdylaryn qalyptastyrý;
 Ózdik jumys jasaýyna yqpal jasaý;
 Geografıalyq karta, atlastarmen jumys jasaı bilýge, geografıalyq ádebıetterden qajetti málimetterdi jınaı bilýge daǵdylandyrý;

Oqytý formasy:
İzdenis - zertteý, praktıkalyq, áńgimelesý - suhbattasý, túsindirý - baıandaý, leksıa, toptyq izdenister, baqylaý - tekserý, saıystar.

Qoldanatyn qural - jabdyqtar:
Dúnıe júziniń saıası kartasy, Dúnıe júziniń fızıkalyq kartasy, atlastar, keskin kartalar, dıdaktıkalyq materıaldar, elektrondyq oqýlyqtar, kompúter (slaıdtar), kesteler men úlestirmeler.

«Uly saıahatshylar»
Baǵdarlamanyń taqyryptyq jospary. (Aptasyna 1 saǵat. Barlyǵy 34 saǵat)

Aqmola oblysy, Zerendi aýdany
Birlestik orta mektebi
Geografıa páni muǵalimi: Iakı Haırat