Ulttyq bank tóraǵasy Tımýr Súleımenov brıfıń barysynda qazaqstandyq balalarǵa Ulttyq qordan tólenetin tólemderdiń ulǵaıýy múmkin ekenin túsindirdi, dep habarlaıdy infohub.kz saıty.
Jýrnalıser aldaǵy úsh jylda ınvestısıalyq jobalardy iske asyrý úshin Ulttyq qordan qosymsha 5 trıllıon teńge alý josparlanyp otyrǵanyna baılanysty tólemder kólemi qysqara ma dep surady. Tımýr Súleımenov josparlanǵan alýǵa qaramastan, Ulttyq qordyń aktıvteri 2029 jylǵa qaraı ósýdi jalǵastyratynyn málimdedi. Onyń aıtýynsha, bul parametrler eldiń 2027–2029 jyldarǵa arnalǵan áleýmettik-ekonomıkalyq damý boljamynda jáne úkimettiń búdjettik parametrlerinde kórsetilgen.
«Qalaı bolǵanda da Ulttyq qor ósedi. Biz ınvestısıalyq basqarýshy retinde qamtamasyz etetin ınvestısıalyq kiris te ósedi, tıisinshe balalardyń shottaryna esepteletin somalar da ósedi», — dep túıindedi Ulttyq bank tóraǵasy.
Eske salaıyq, Qazaqstanda 2024 jyldan bastap «Ulttyq qor — balalarǵa» baǵdarlamasy jumys isteıdi. Osy baǵdarlama aıasynda elimizdiń árbir kámeletke tolmaǵan azamaty úshinshi jyl qatarynan Ulttyq qordyń ınvestısıalyq kirisiniń bir bóligin alyp otyr. Birinshi jyly 100,52 dollar, ekinshi jyly — 129,38 dollar, al úshinshi jyly — 130,71 dollar esepteldi.
Sonymen qatar, qazaqstandyqtar Ulttyq qordan «balalar» tólemderin belsendi paıdalanýda. Aqsha qarajatyn naqty nege jumsaıtynyn osy jerden oqýǵa bolady.