Qazaqstannyń fýtboldan ulttyq quramasynyń bas bapkeri Djon van 't Sqıp Moldova komandasynan óz alańynda jeńilgen soń otstavkaǵa ketý múmkindigin túsindirdi, dep habarlaıdy infohub.kz saıty.
Maman Moldova komandasyna qarsy machtaǵy óziniń bapkerlik sheshimin qate dep atady. «Menińshe, bul — bapker retindegi meniń qatem: Moldovaǵa qarsy shabýyldaý tásilimen oınap, jartylaı qorǵaýshylardy shepter arasyna ornalastyrǵym keldi. Ókinishke qaraı, budan paıda kórmedik. Esepti teńestirý úshin bárin jasadyq, biraq fýtbolda sáttilik te kerek, búgin ol bizge jetpedi», — dep keltiredi onyń sózin ASnews.kz.
Bapkerdiń aıtýynsha, endi «óz alańyndaǵy jeńilister men Slovakıamen sátsizdikten keıin topta jeńiske jetý óte qıyn bolady». Ol komanda aqtalýǵa tyrysyp, jeńiske degen qushtarlyq pen erik-jigeri bar ekenin kórsetetinin málimdedi.
Van 't Sqıpten Moldovadan jeńilgen soń qyzmetinen ketýdi josparlap otyrmaǵany da suraldy. «Otstavkaǵa shaqyrýlarǵa kelsek — ony men sheshpeımin. Jumysty jalǵastyrýǵa úmittenemin. Jeńgende dostaryń kóp bolatyny, al jeńilgende olardyń múldem derlik joqtyǵy túsinikti. Bul — bapker jumysynyń bir bóligi», — dep jaýap berdi ol.
Eske salaıyq, aldyńǵy kúni Qazaqstannyń erler fýtbol quramasy ÝEFA Ulttar lıgasynyń 2026/27 maýsymy aıasynda Moldova komandasynan óz alańynda jeńildi. Qonaqtar 2:1 esebimen jeńiske jetti.
Ulttyq qurama qatarynan ekinshi ret jeńilis tapty. Nıderlandtyq bapker Djon van 't Sqıptiń jetekshiligimen ol ázirge jeńiske jetpedi.