Vengrıa úkimeti Reseıdi elge qaýip retinde resmı túrde belgiledi, bul BUU Bas Assambleıasyndaǵy delegasıaǵa arnalǵan dırektıvalarda kórsetilgen, dep habarlaıdy infohub.kz saıty.
Premer-mınıstr Peter Madár qol qoıǵan qujatqa sáıkes, Vengrıanyń jańa úkimeti Ýkraınaǵa qarsy besinshi jyl boıy soǵys júrgizip jatqan Reseıdi aıyptaıdy jáne ony qaýip dep sanaıdy. Qujatta: «Vengrıa Reseıdiń áskerı agresıasyn aıyptaıdy jáne Ýkraınanyń egemendigin, halyqaralyq deńgeıde tanylǵan shekaralardaǵy aýmaqtyq tutastyǵyn tolyq qoldaıdy» dep atap kórsetilgen. Bul qaǵıdattar Vengrıa delegasıasynyń qyrkúıekte ótetin BUU Bas Assambleıasyndaǵy ustanymynyń negizi bolady.
Máskeýdiń agressıvti áreketterin aıyptaý Vıktor Orban bastaǵan burynǵy úkimettiń syrtqy saıasat baǵytynan tolyq bas tartýdy bildiredi. Vengrıanyń jańa bıligi Kıevtiń ózin-ózi qorǵaý quqyǵyn da moıyndaıdy. Qujatta: «Reseıdiń áreketteri Vengrıaǵa, Eýropaǵa jáne álemdik tártipke qaýip tóndiredi» dep atap ótilgen. Sonymen qatar, Býdapesht Ýkraına úshin «turaqty beıbitshilik pen uzaq merzimdi qaýipsizdik kepildikteri» týraly kelissózderge baǵyttalǵan barlyq kúsh-jigerdi qoldaıtynyn málimdeıdi.