"Vokzalda bomba bar": Almaty turǵynynyń jalǵan qońyraýy 4 jyl túrmemen aıaqtaldy
"Vokzalda bomba bar": Almaty turǵynynyń jalǵan qońyraýy 4 jyl túrmemen aıaqtaldy
Almatynyń 44 jastaǵy turǵyny vokzaldarǵa jarylǵysh zat qoıyldy degen jalǵan aqparat taratqany úshin sot úkimimen tórt jylǵa bas bostandyǵynan aıyryldy. Bul týraly Almaty qalalyq prokýratýrasy málimdedi.
Tergeý málimetine sáıkes, er adam tórt ret taksofon arqyly qońyraý shalyp, vokzaldarǵa bomba qoıylǵanyn habarlaǵan. Jalǵan dabyldan keıin tótenshe jaǵdaılar qyzmetteri men quqyq qorǵaý organdary aıaǵynan tik turyp, vokzal aýmaǵynan adamdar shuǵyl evakýasıalanǵan.
“Saraptama nátıjesinde kúdiktiniń jeke tulǵasy anyqtalyp, dabyldyń jalǵan ekeni dáleldendi. Memlekettik organdarǵa keltirilgen materıaldyq shyǵyn 3,3 mıllıon teńgeden asty”, – delingen prokýratýra málimetinde.
Sot Qylmystyq kodekstiń 273-baby (Terorızm aktisi týraly kórineý jalǵan habarlaý) boıynsha úkim shyǵardy. Buǵan qosa, sottalýshy memleketke kelgen shyǵyndy óteýge jáne ótemaqy tóleýge mindetteldi.
Prokýratýra jalǵan aqparat taratý – tek jazalanatyn qylmys qana emes, sonymen qatar qoǵamdyq tártip pen qaýipsizdikke tikeleı qaýip tóndiretin áreket ekenin eske salady.
You Might Also Like
-
Qazaqstandyq avıakompanıalar úshin Taıaý Shyǵystaǵy birqatar elderdiń áýe keńistiginen ushý ýaqytsha toqtatyldy. Bul týraly Azamattyq avıasıa komıteti resmı málimdeme taratty.
-
Taıaý Shyǵystaǵy geosaıası shıelenis saldarynan Birikken Arab Ámirlikterinen elge orala almaı jatqan qazaqstandyqtardyń sany 300-ge jýyqtady. Bul týraly Syrtqy ister mınıstrliginiń resmı ókili Aıbek Sm...
