Qazaqstannyń áıelder voleıbol quramasy Qytaıdyń Tánszın qalasynda ótken Azıa chempıonatynda toptan shyǵa almaı, jarysty aıaqtady. Úsh oıynnyń ekeýinde jeńilip, qazaqstandyq sportshylar 2028 jylǵy Olımpıada oıyndary men 2027 jylǵy álem chempıonatyna joldama alý múmkindiginen aıyryldy, dep habarlaıdy infohub.kz saıty.
Alǵashqy oıynda Indonezıa quramasynan 0:3 esebimen sensasıalyq túrde jeńildi. Sodan keıin qazaqstandyqtar Avstralıany dál osyndaı 3:0 esebimen senimdi túrde utty. Toptyq kezeńniń sheshýshi machynda Asqar Shalkıbekov shákirtteri qurlyqtyń qazirgi chempıondary — Taıland quramasyna qatty qarsylyq kórsetti, alaıda 1:3 esebimen jeńilip qaldy. Osylaısha, komanda taǵdyry basqa machtardyń nátıjelerine baılanysty boldy, alaıda olar Qazaqstannyń paıdasyna sheshilmedi.
V tobyndaǵy qorytyndy jaǵdaı: Taıland úsh jeńiske jetti, Indonezıa — eki, Qazaqstan men Avstralıa — bir-birden. Paralel toptarda da úshinshi oryndar anyqtaldy: A tobynda — Qytaı Taıbeıi, S tobynda — Vetnam. Úsh qurama da, onyń ishinde Qazaqstan, partıalar aıyrmashylyǵy 4:6 bolyp teń aıaqtady, sondyqtan eki úzdik úshinshi komandany anyqtaý úshin utyp alynǵan jáne jiberip alǵan doptardyń qatynasyn sanaýǵa týra keldi. Koefısıentter: Qytaı Taıbeıi — 1,0313, Vetnam — 1,0234, Qazaqstan — 0,9270. Osylaısha, qazaqstandyq qurama týrnırden shyǵyp qaldy.
Chempıonattyń shırek fınalynda Taıland — Ońtústik Koreıa, Japonıa — Qytaı Taıbeıi, Indonezıa — Iran jáne Qytaı — Vetnam juptary kezdesedi.
Qazirgi áıelder arasyndaǵy Azıa chempıonaty 23-shi ret ótkizilýde. Týrnır jeńimpazy Los-Andjeleste ótetin 2028 jylǵy Olımpıada oıyndaryna tikeleı joldama alady, al júldegerler Kanada men AQSH-ta ótetin 2027 jylǵy álem chempıonatyna qatysý quqyǵyna ıe bolady.
Áıelder voleıbolynan alǵashqy Azıa chempıonaty 1975 jyly Avstralıada ótti. Sodan beri 22 týrnırde júldeli oryndardy Qytaı, Japonıa, Taıland jáne Ońtústik Koreıa quramalary turaqty túrde ıelendi. Tek bir ret bul tizimge Qazaqstan kirdi: 2005 jyly bizdiń qyzdar fınalda týrnır qojaıyndary — qytaılyqtardan 0:3 esebimen jeńilip, kúmis júldeger atandy.
2023 jyly Taılandta ótken aldyńǵy Azıa chempıonatynda Qazaqstan quramasy besinshi oryn aldy.