Serbıa prezıdenti Aleksandr Výchıch memleket basshysy qyzmetinen ketý týraly qujatqa qol qoıdy. Prezıdent mindetin Halyq skýpshınasynyń tóraǵasy Ana Brnabıch atqarady, dep habarlaıdy infohub.kz saıty.
Keshe keshke memleket basshysy ákimshiliginiń aldyna Výchıchti qoldaýǵa kelgen jaqtastary jınaldy. Ol jınalǵandarǵa sóz sóılep, 2017 jáne 2022 jyldardaǵy prezıdenttik saılaýlardaǵy jeńisteri úshin alǵys aıtty, sodan keıin óziniń ketetinin jarıalady.
«Serbıa Respýblıkasy Konstıtýsıasynyń 116-babynyń a5-tarmaǵyna sáıkes respýblıka prezıdenti qyzmetinen ketemin», — dedi ol jáne tıisti qujatqa qol qoıdy.
Dúısenbide Výchıch memleket basshysy mindetin atqarýshy parlament tóraǵasy Ana Brnabıchke ókilettigin tapsyrady. Jeltoqsannyń sońyna deıin Serbıada prezıdenttik saılaý ótýi tıis.
DW habarlaýynsha, qyrkúıek basynda Výchıch Halyq skýpshınasyn — eldiń bir palataly parlamentin — taratyp, 25 qazanǵa kezekten tys saılaý taǵaıyndaǵanyn jarıalaǵan. Sol kezde bıleýshi Serbıa progresıvtik partıasynyń (SNS) bas komıteti «Birikken Serbıa» tiziminiń kóshbasshysy Výchıch bolatynyn rastady. Jeńis jaǵdaıynda ol premer-mınıstr qyzmetine de kandıdat bolady.