Qazaqstanda WhatsApp messendjeriniń paıdalanýshylary óz akkaýnttarynyń jappaı buǵattalýyna tap boldy, dep habarlaıdy infohub.kz saıty.
Buǵattaý týraly shaǵymdar tek Qazaqstanda ǵana emes, álemniń basqa elderinde de paıda boldy. Threads áleýmettik jelisinde qazaqstandyqtar bul máseleni belsendi túrde talqylap, buǵattaý eshqandaı sebepsiz júrip jatqanyn aıtady.
Erkoshtau esimdi paıdalanýshy bylaı dep jazdy: «WhatsApp akkaýntymdy 24 saǵatqa jaýyp tastady. Erekshe eshteńe bolǵan joq, mundaı jaǵdaıǵa tap bolǵandar bar ma?» Taǵy bir paıdalanýshy Aizhalina tańǵalyp: «WhatsApp buǵattaýyna kim tap boldy? Qandaı jaǵdaılarda bolady?? WhatsApp-ta otyrǵanmyn, jańa kontaktige sms jiberdim. Sol kezde WhatsApp buǵattaldy. Kim kezdesti? Ne isteý kerek?» dep suraıdy. arailym_designer paıdalanýshysy da: «Nege WhatsApp osylaı buǵattalady? Mundaı birinshi ret bolyp tur (tekserýge ótinish jiberdim», — dep habarlady.
Materıal jarıalanǵan kezde WhatsApp-qa ıelik etetin Meta kompanıasy resmı málimdeme jasaǵan joq. Alaıda TechCrunch portaly kompanıa ókiliniń pikirin aldy: «Biz servısimizdi teris paıdalanýǵa tyrysatyndardy aldyn alý jáne basqa paıdalanýshylardyń qaýipsizdigin qamtamasyz etý úshin akkaýnttardy buǵattaý boıynsha únemi jumys isteımiz. Keıde biz qatelesemiz, al eger bul oryn alsa, adamdar chatta qaıta sóılese alýy úshin jaǵdaıdy múmkindiginshe tez túzetýge tyrysamyz. Biz zardap shekken akkaýnttardy qalpyna keltirý sharalaryn qabyldadyq».