Ýkraına prezıdenti Vladımır Zelenskı 6 mamyrdan bastap tynyshtyq rejımin engizetinin málimdedi. Bul týraly ol H áleýmettik jelisinde habarlady.
Memleket basshysynyń aıtýynsha, Ýkraınaǵa áskerı is-qımyldy toqtatý boıynsha resmı usynys túspegen. Ol adam ómiriniń qundylyǵyn erekshe atap ótip, 6 mamyr kúni saǵat 00:00-den bastap tynyshtyq rejımin jarıalady.
Reseı qorǵanys mınıstrligi 8-9 mamyr kúnderi Jeńis kúnin toılaýǵa baılanysty Ýkraınamen ýaqytsha bitim jarıalaǵanyn habarlaǵan bolatyn. Reseı tarapy Kıevti de osyǵan uqsas qadam jasaýǵa shaqyrdy. Alaıda, Ýkraına bul usynysqa qatysty resmı jaýap bermegen.