Reseı Premer-lıgasynyń (RPL) 2026/27 maýsymynyń tórtinshi týrynda Sankt-Peterbýrgtiń «Zenıti» Máskeýdiń «Dınamosyn» iri eseppen utty, dep habarlaıdy infohub.kz.
«Gazprom Arenada» ótken kezdesý qojaıyndardyń paıdasyna 3:0 esebimen aıaqtaldy. Birinshi taımda-aq Aleksandr Sobolev dúbl jasady: ol 29-mınýtta penaltıden, al 33-mınýtta taǵy bir gol soqty. Ekinshi taımda Maksım Glýshenkov 87-mınýtta qarsylas qaqpasyna soqqan golmen esepti aıaqtady.
Qazaqstan quramasynyń qorǵaýshysy Nuraly Álip «Zenıt» sapynda oıyndy qosalqy quramda bastap, 71-mınýtta alańǵa shyqty. Osy ýaqyt ishinde ol nátıjeli árekettermen de, tártip buzýshylyqtarmen de kózge túspedi.
Osy jeńistiń arqasynda peterborlyqtar 9 upaı jınap, týrnır kestesinde ekinshi orynǵa turaqtady. Olardan tek maksımaldy 12 upaı jınaǵan «Krasnodar» ǵana ozyq tur. «Dınamo» 4 upaımen alǵashqy ondyqty túıindeıdi.
Máskeýlik komanda sapynda Qazaqstan quramasynyń jartylaı qorǵaýshysy Bahtıer Zaınýtdınov óner kórsetedi, alaıda densaýlyǵyna baılanysty ol bıylǵy maýsymda áli alańǵa shyqqan joq.