Жамбыл облысында прокуратура екі кәмелетке толмаған баланы асырауға арналған, 2023 жылдан бері жиналып келген алимент қарызын өндіріп алды. Әкеге қатысты сотқа дейінгі тергеп-тексеру басталды, деп хабарлайды infohub.kz сайты.
Қадағалау органының ресми сайтында мәлім болғандай, қарызды өндіруді Жамбыл ауданының прокуратурасы қамтамасыз етті. 30 жастағы ер адамның қаржылық мүмкіндігі болғанына қарамастан, үш жыл бойы кірісін жасырып, алимент төлеуден әдейі жалтарғаны анықталды.
Салдарынан екі кәмелетке толмаған баланың алдындағы қарыз 4,1 млн теңгеге жетті.
Осы жылдың қыркүйегінде аудан прокуратурасының бастамасымен полиция бөлімі Қазақстан Республикасы Қылмыстық кодексінің 139-бабы (Балаларды асырауға арналған қаражат төлеу жөніндегі міндеттерді орындамау) бойынша сотқа дейінгі тергеп-тексеруді бастады.
Сотқа дейінгі тергеп-тексеру барысында борышкер алимент қарызының бір бөлігін өтеді. Сонымен қатар тараптар медиативтік келісім жасасып, оған сәйкес ер адам бұдан былай алиментті уақытында және толық көлемде төлеуге міндеттенді.
2026 жылғы 19 қазанда тараптардың араларындағы келісімге байланысты сотқа дейінгі тергеп-тексеру ақтауға жатпайтын негіздер бойынша тоқтатылды.