Jambyl oblysynda er adam kelisiminsiz vıdeoǵa túsirgeni úshin týyndaǵan janjaldan keıin kórshisiniń múlkin búldirgeni úshin jazalandy, dep habarlaıdy infohub.kz saıty.
Jambyl oblysy sottarynyń resmı Telegram-arnasynda habarlanǵandaı, Jambyl aýdandyq soty er adamǵa qatysty bótenniń múlkin qasaqana búldirý faktisi boıynsha (ÁQBtK-niń 147-1-babynyń 1-bóligi) ákimshilik quqyqbuzýshylyq týraly isti qarady.
2026 jylǵy naýryzda Grodekovo aýylynda er adam men onyń kórshisi arasynda janjal bolǵany anyqtaldy. Janjal barysynda ol jábirlenýshige tıesili uıaly telefondy, beınebaqylaý kameralaryn jáne qaqpany búldirgen.
Kinási hattamamen, taraptardyń túsiniktemelerimen jáne istiń ózge de materıaldarymen dáleldendi.
Quqyqbuzýshy kinásin tolyq moıyndap, ókindi. Ol janjal kórshisiniń onyń kelisiminsiz vıdeoǵa túsirýinen týyndaǵanyn túsindirdi. Sonymen qatar, onyń narazylyǵyna beınebaqylaý kameralarynyń onyń úıiniń aýmaǵy men irgeles ýchaskege baǵyttalýy sebep boldy.
Jábirlenýshi kórshisiniń balalary oǵan jańa telefon satyp bergenin, sondyqtan bul bólikte onyń shaǵymy joq ekenin aıtty. Alaıda ol moraldyq zıannyń ornyn toltyrý retinde 500 myń teńge óndirýdi surady.
Kináni moıyndaýyn, ókinýin, buryn quqyqbuzýshylyq jasamaǵanyn jáne aýyrlatatyn mán-jaılardyń bolmaýyn eskere otyryp, sot aıyppul mólsherin 30%-ǵa (151 myń teńgege deıin) tómendetti. Moraldyq zıandy óndirý máselesin jábirlenýshige azamattyq is júrgizý tártibimen sheshýge quqyǵyn túsindirdi.
Qaýly zańdy kúshine endi, aıyppul tolyq kólemde tólendi.