Jańaózende avtobýs aıaldamasynan túskennen keıin joǵalyp ketken 9 jasar bala izdestirilýde. Ony sońǵy ret Ótesinov atyndaǵy dene shynyqtyrý-saýyqtyrý kesheniniń janynan kórgender boldy. Balanyń ákesi qala turǵyndary men polısıadan kómek surady, dep habarlaıdy infohub.kz.
Mansur esimdi balanyń ákesiniń aıtýynsha, bala búgin, 28 shilde kúni saǵat 11:00 shamasynda joǵalǵan. Ol aıaldamada avtobýstan túsken, sodan keıin ony eshkim kórmegen. Balanyń ústinde sur fýtbolka men qara short, qolynda qara jol sómkesi bolǵan.
«Qazir biz polısıamen birlesip ony izdep jatyrmyz. Qala turǵyndarynan onyń qaıda ekendigi týraly qandaı da bir aqparaty bolsa, habarlaýdy suraımyn», — dep ákesi BAQ arqyly Jańaózen turǵyndaryna úndeý jasady.
Balanyń qaıda ekendigi týraly biletinderdi ákesine myna telefon arqyly habarlasýǵa shaqyrady: 8 (771) 815-40-26. NUR.KZ tilshisi Mańǵystaý oblysy polısıa departamentiniń baspasóz qyzmetine saýal joldady.