Japon ınjenerleri kokos maıy negizinde ekologıalyq avıasıalyq otyn jasap shyǵardy. Synaq barysynda ol joǵary tıimdilik kórsetken, dep habarlaıdy infohub.kz.
Osaka qalalyq ýnıversıtetiniń mamandary dástúrli Jet A-1 avıasıalyq kerosınimen aralastyrýǵa bolatyn bıologıalyq otyn jasady. Bul qospa qozǵaltqysh qýatyn tómendetpeıdi. Qospany bólme temperatýrasynda jáne qalypty qysymda eritkish ádisimen daıyndaıdy, bul óndiriske ketetin energıa shyǵynyn azaıtady.
Shaǵyn týrboreaktıvti qozǵaltqyshta júrgizilgen synaqtar qospanyń jylý tıimdiligi qarapaıym otyn deńgeıinde ekenin kórsetti. Sonymen qatar, kokos qospasy kómirsýtek shyǵaryndylaryn aıtarlyqtaı azaıtady, al kómirqyshqyl gazy men azot oksıdteriniń kólemin arttyrmaıdy. Jylý syıymdylyǵy tómen bolǵandyqtan, bıologıalyq otynnyń shyǵyny sál joǵary, biraq týrbınalardyń jumysy nasharlamaıdy.
Óndiris úshin Ońtústik-Shyǵys Azıada satýǵa jaramsyz dep tanylǵan kokos jańǵaqtaryn paıdalaný usynylady. Bul jańa plantasıalar úshin ormandardy kesýdi boldyrmaýǵa múmkindik beredi. Bolashaqta zertteýshiler 100 paıyz bıologıalyq otynnan turatyn qospalardy synap, olardyń saqtaý kezindegi tózimdiligin zertteýdi josparlap otyr.