Ǵalymdar jasandy ıntellekt negizindegi algorıtm jasap shyqty. Ol mıdan qaýipti aqýyzdardy shyǵaratyn julyn suıyqtyǵynyń qozǵalý jyldamdyǵyn ólsheýge múmkindik beredi. Bul jańalyq Alsgeımer aýrýyn erte kezeńde anyqtaýǵa kómektesýi múmkin, dep habarlaıdy infohub.kz.
Rochester ýnıversıteti, Braýn ýnıversıteti jáne Kopengagen ýnıversıtetiniń zertteýshileri MRT-ge negizdelgen ádis ázirledi. Neırojeli kontrast zattyń taralýyn taldaıdy, bul suıyqtyq aǵynynyń jyldamdyǵyn jáne tinderdiń ótkizgishtigin esepteýge múmkindik beredi. Buǵan deıin MRT mundaı tómen jyldamdyqtardy dál ólsheı almaıtyn.
Mıdyń betindegi ashyq keńistikterde suıyqtyq sekýndyna birneshe mıkron jyldamdyqpen qozǵalatyny, al tinderdiń tereńinde aǵyn shamamen 50 ese baıaýlaıtyny anyqtaldy. Bul bilim tereń uıqy kezinde mıdy jýyp, metabolıkalyq qaldyqtardy, sonyń ishinde Alsgeımer aýrýymen baılanysty amıloıdty aqýyzdardy shyǵaratyn glımfatıkalyq júıeniń jumysyn túsiný úshin mańyzdy.
Profesor Dýglas Kellıdiń aıtýynsha, tehnologıa qan aınalymynyń buzylýyn jáne mı shaıqalýynyń saldaryn erte kezeńde anyqtaýǵa kómektesedi. Bolashaqta ádis klınıkalyq tájirıbede adamdarǵa qoldanýǵa beıimdeledi.