Jetisý oblysyndaǵy respýblıkalyq mańyzdaǵy Saryózek — Kóktal tas jolynyń bóliginde aýyr júk kólikteri avtomattandyrylǵan ólsheý stansıasyn aınalyp ótip júrgen, alaıda júrgizýshilerge arnalǵan bul olqylyq jabyldy, dep habarlaıdy infohub.kz saıty.

Bas kólik prokýratýrasynyń resmı saıtynda habarlanǵandaı, atalǵan ýchaskede aýyr salmaqty kólikterdiń avtomattandyrylǵan ólsheý stansıasyn aınalyp ótý faktileri anyqtalǵan.

«Aınalyp ótý úshin jeke kásiporyn óndiristik qajettilikke salǵan tehnıkalyq jol paıdalanyldy», — dedi Bas kólik prokýratýrasynda.

Vedomstvonyń úılestirýimen «QazAvtoJol» fılıaly arnaıy tehnıka tartyp, aınalma joldardy fızıkalyq turǵydan japty.

Qazirgi tańda júk kólikteriniń qozǵalysy avtomattandyrylǵan stasıonarlyq keshen arqyly júzege asyrylýda.

Prokýratýra, kólik baqylaý ınspeksıasy jáne ákimshilik polısıa qyzmetkerlerinen turatyn vedomstvoaralyq jumys toby quryldy. Toptyń jumysy aımaqaralyq qaǵıdat boıynsha júrgiziledi.

Mobıldi salmaq ólsheý keshenderiniń sanyn kóbeıtý týraly sheshim qabyldandy.

«„QazAvtoJol“ UK» AQ-men birlesip, Qonaev qalasyna kireberiste avtomattandyrylǵan júıe ornatý máselesin pysyqtap jatyrmyz, bul sharalar salmaq parametrlerin baqylaýdyń tıimdiligin birneshe ese arttyrady», — dep atap ótti Bas kólik prokýratýrasynda.

Aǵymdaǵy jyldyń ótken kezeńinde kólik baqylaý ınspeksıasy salmaq pen gabarıtti asyrǵany úshin 22 myń júrgizýshini ákimshilik jaýapkershilikke tartyp, 6 mlrd teńge kóleminde aıyppul saldy.