Almaty taýlarynda keshe serýendeýge shyǵyp, belgilengen ýaqytta oralmaǵan eki jasóspirimdi qutqarýshylar taýyp aldy, dep habarlaıdy infohub.kz saıty.
Tótenshe jaǵdaılar mınıstrliginiń málimetinshe, búgin Bostandyq aýdanynda, Úlken Almaty shyńy mańynda, teńiz deńgeıinen shamamen 3680 metr bıiktikte jasóspirimderdiń joǵalǵany týraly habarlama túsken. Olarmen baılanysý múmkin bolmaǵan, geolokasıa derekterin alý da sátsiz aıaqtalǵan.
Monıtorıń jáne jedel áreket etý ortalyǵynyń qutqarýshylary dereý izdeý jumystaryna kiristi. Jasóspirimder Aıýsaı shatqalynan tabyldy.
Qutqarýshylar olardy taýly aımaqtan qaýipsiz jerge alyp shyǵyp, ata-analaryna tapsyrdy. Jasóspirimderge medısınalyq kómek qajet bolmady.
«TJM týrıserdi aldyn ala marshrýtty zerttep, aýa raıy men jer bederiniń kúrdeliligin eskerip, jaqyndaryna josparlanǵan marshrýt pen qaıtý ýaqyty týraly habarlaýǵa shaqyrady. Sondaı-aq qutqarýshylar telefondy zarádtalǵan kúıde ustaýdy jáne taýǵa jalǵyz shyqpaýdy usynady», — delingen vedomstvo habarlamasynda.
Buǵan deıin «Kýrsıv» belarýs týrıseri Seversev muzdyǵynan belgisiz álpınısiń máıitin tapqanyn habarlaǵan. Qutqarýshylar qaldyqtar men jabdyqtardy tikushaqpen shamamen 3400 metr bıiktikten evakýasıalaǵan. Keıin áleýmettik jelilerdegi fotosýretter arqyly qaıtys bolǵan adamnyń rúkzagyn onyń qyzy tanyǵan. Er adam 19 jyl buryn joǵalǵany anyqtalǵan.