Zınedın Zıdan Fransıanyń erler ulttyq fýtbol quramasynyń jańa bas bapkeri bolyp resmı túrde tanystyryldy, dep habarlaıdy infohub.kz.
54 jastaǵy mamanmen tórt jyldyq kelisimshart jasaldy. Ol 2012 jyldan beri komandany basqaryp, ony álem chempıonaty men Ulttar lıgasynda jeńiske jetkizgen Dıde Deshamnyń ornyna keldi.
Resmı tusaýkeserden keıingi baspasóz máslıhatynda Zıdan Desham men federasıa basshylyǵyna qurmet bildirdi. «Men Fransıa quramasynan mańyzdy eshteńe joq dep jıi aıtatynmyn. Qazir onyń bas bapkeri bolǵanyma qatty qýanyp, maqtanamyn. Biraq bul úlken jaýapkershilik te», — dedi ol.
Osylaısha fransýz mamanynyń bapkerlik mansabyndaǵy bes jyldyq úzilis aıaqtaldy. 2021 jyly ol madrıdtik «Realdan» ketken bolatyn, buǵan deıin komandany Chempıondar lıgasynda úsh ret jeńiske jetkizip, basqa da júldelerge qol jetkizgen edi.
Oıynshy retinde Zıdan urpaǵynyń eń kóp júldeli fýtbolshylarynyń birine aınaldy. Ol Chempıondar lıgasynda, álem jáne Eýropa chempıonattarynda jeńiske jetti. 1998 jyly «Altyn dop» ıelendi.