InfoHub Logo

Абай облысында бес күн бойы далада аяғы сынып, жатып қалған бақташыны құтқарушылар аман-есен тауып алды. Ол аштық пен суыққа қарамастан, қар жеп бес күн бойы тірі қалған.

Бұл туралы Infohub.kz ақпарат агенттігі хабарлайды.

Оқиға 17 наурызда Абай облысының Абай ауданындағы шаруа қожалығынан басталған. 1969 жылы туған ер адам малының ізін суытпай, атпен жолға шығып, кейін оралмаған. Оның қайда екені белгісіз болып, телефоны өшірулі тұрған.

Іздеу жұмыстары басталды

Кейіннен, тек түнде ғана азаматтың жоғалғаны туралы хабарлама құтқару қызметтеріне түскен. Оны құтқарушылар, полиция және туыстары іздеген.

Бақташы табылды

Бүгін таңертең іздеу тобы ер адамды даладан тапты. Оған бірден ыстық шай беріліп, жараланған аяғына таңып, медициналық көмек көрсету үшін Ақшоқы ауылына жеткізілді.

Апаттың себебі

Бес күн бұрын ер адамның аты құлап, оның астында қалып, аяғын сындырып алған. Содан кейін ат кетіп, ол жалғыз далада қалған. Осы уақыт бойы ол тек қармен қоректеніп тіршілік еткен. Абырой болғанда, ауа райының жылы болуына байланысты үсіп қалмаған.

Төтенше жағдайлар министрлігі алыс аудандарға шыққанда байланыс құралдарын алып жүруді, жақындарына маршрутын хабарлап отыруды және жалғыз шықпауды ескертті.