InfoHub Logo

Алматы қаласының тұрғындары ағылшын тілін үйренуді армандап, алаяқтардың құрбаны болды. Өзін алданған санайтындардың саны 200 адамға жетті. Олар шетел тілін үйретуге арналған онлайн мектепке ақша төлеген. Алайда, бір ай тұрақты сабақтан кейін курстар кенеттен тоқтатылып, мектеп басшылығы байланысқа шығудан қалған.

Бұл туралы Infohub.kz ақпарат агенттігі хабарлайды.

Әлеуметтік желідегі жарнама алдады

Ата-аналар онлайн курстар туралы әлеуметтік желідегі жарнамадан білген. Танымал блогерлер бұл курстарға жазылуға кеңес берген. Адамдар бұл ұсынысқа қызығып, алты айлық оқу курсы үшін 400 мың теңгеге дейін ақша төлеген.

Қаржы полициясы іс қозғады

Көптеген жәбірленушілер несие мен бөліп төлеу арқылы ақша жинағанын айтады. Оқу орталығының өкілдері мүлдем байланысқа шықпаған соң, алматылықтар полицияға арыз жазған. Қазіргі таңда бұл іс бойынша ҚР Қылмыстық кодексінің 190-бабы, 3-бөлігі бойынша «Алаяқтық» қылмыстық құқық бұзушылығы белгілері бойынша қылмыстық іс қозғалды. Барлық арыздар қабылданды және бұл азаматтар қылмыстық іс бойынша ресми түрде жәбірленуші ретінде танылды.