InfoHub Logo

Алматы қаласының әкімдігі Жетісу ауданындағы жеке меншік жер учаскелеріне шектеулі пайдалану құқығын белгілеу туралы қаулы шығарды. Бұл – қоғамдық сервитуттың бір түрі. TengriHome тілшілері бұл тетіктің қалай жұмыс істейтінін, иелері қандай шектеулерге тап болатынын және оларға қалай дайындалу керектігін анықтады.

Бұл туралы Infohub.kz ақпарат агенттігі хабарлайды.

Кімдерге және қандай шектеулер қойылды?

Әкімдік қаулысы қалалық ресми газетте жарияланды. Онда шектеулердің Алматы қаласының энергетика және сумен жабдықтау басқармасының хаты негізінде енгізілгені айтылады. Бұл шара «КЛ-110 электрмен жабдықтау объектісі» мүддесі үшін, құрылыс кезеңіне уақытша қолданылады. Бұл жайында энергетиктерден түсініктеме алдық.

Анықтама: КЛ-110 кВ электрмен жабдықтау объектісі дегеніміз – бұл 110/35/10 кВ қосалқы станцияларынан өнеркәсіп орындарына, қалаларға және инфрақұрылымдық тораптарға электр энергиясын жеткізу үшін қолданылатын жоғары вольтты кабель желілері.

«Атамекен» ҚР ҰКП басқарушы директоры, энергетик Жақып Хайрушев бұл қаулы жерді тартып алу туралы емес, қаланың инженерлік желілерді салу үшін бөтен учаскелерді уақытша пайдалану құқығы туралы екенін атап өтті.

«Меншік иелерінен жер формальды түрде алынбайды, бірақ белгілі бір бөлігіне шектеу қойылады. Бұл заңды түрде аумаққа кіріп, құрылыс-монтаж жұмыстарын жүргізіп, сыртқы инженерлік желілерді орналастыру үшін жасалады. Жер кейін қайтарылады. Бұл ешкімнің ауласына бағана орнату туралы емес», - деп түсіндірді Жақып Хайрушев.

Дегенмен, энергетик Марат Қалменов бұл шектеулерге дайындалған жөн дейді, себебі салдары болуы мүмкін. Мысалы, учаскенің нарықтық құны төмендеуі ықтимал. Ол кезде өтемақы мөлшері бойынша дауласуға тура келеді.

«Жер алынбайды, бірақ иесінің құқығы шектеледі. Сервитут аймағында құрылыс салуға тыйым салынады немесе шектеледі. Жұмыстар аяқталғаннан кейін учаске иесіне инженерлік желілерге қызмет көрсететін қызметтерге қолжетімділік беруге тура келеді», - деп ескертті Марат Қалменов.

Нақты не істеу керек?

Марат Қалменов жұмыстар басталмас бұрын учаске иелеріне не істеу керектігін тізіп берді.

«Меншік иесі сервитут жоспарын алуы қажет (қай жерде орналасқанын білу маңызды). Учаскелердің қазіргі жағдайын (фото, актілер) тіркеу керек. Жергілікті атқарушы билік органдарынан өтемақы шарттарын нақтылап, мердігердің жұмыс жоспарын сұратуға болады (шарт жобасы болса тіпті жақсы)», - деп кеңес берді энергетик.

Сарапшылар қаланың учаскелерді сатып алуға ақша үнемдеу үшін осылайша уақытша шектеулер енгізіп отырғанын болжайды.

Шектеу енгізілетін учаскелердің мекенжайлары:

Мәмлекет меншігіне алу

Айта кетейік, қалалық газеттің осы санында жер учаскелерін кезекті мемлекет меншігіне алу туралы қаулылар да жарияланған. Бұл жолы бұл сан жүздеп саналмайды. Қалаға көше ашу және БРТ құрылысы үшін жол аймағын қайта ұйымдастыру қажеттілігі туындаған.

Алатау ауданында Рысқұлов даңғылын Оңғарсынов көшесінен қала шекарасына дейін ашу үшін келесі мекенжайлардағы учаскелер бұзылады:

Жедел қоғамдық көлік (БРТ) құрылысы үшін Райымбек даңғылын қайта жаңартуға тағы екі учаске мәжбүрлеп алынады. Олар келесі мекенжайларда орналасқан:

Бұзу жұмыстарына қатысты учаске иелері келесі мекенжайға хабарласуы керек: Төле би көшесі, 155, 6-қабат, 603-кабинет.

Бұған дейін мәжбүрлі бұзуға ілінген учаскелерде үйлер болса, қалай саудаласу керектігі туралы айтқан болатынбыз.