InfoHub Logo

Болгарияда археологтар 6200 жыл бұрын арыстан шабуылынан аман қалған баланың қаңқасын тапты. Бұл табылған қаңқа ежелгі қоғамның өмір сүру салтын көрсетеді.

Бұл туралы Infohub.kz ақпарат агенттігі хабарлайды.

Тарихи жаңалық

Теңіз жағалауына жақын көне қорымнан табылған сүйек иесі 16-18 жас шамасындағы жас жігіт болған. Ғалымдар оның бас сүйегі тесіліп-жаншылғанын, аяқ-қолы мен иығында да ауыр жарақат іздері барын анықтаған. Ең қызығы — сүйектердегі жазылу белгілеріне қарағанда, жасөспірім шабуылдан кейін бірден өлмей, бірнеше ай өмір сүрген. Бұл оның қауымдастығы күтім жасап, асырап-бағып отырғанын көрсетеді.

Жыртқыштың шабуылы

Зерттеушілер жарақаттың қарудан не операциядан емес, «ірі жыртқыштан» болғанын айтады. Болжам бойынша, оған ежелгі арыстан шабуыл жасаған. Ол кездейсоқ кездесіп қалған кезде жараланған ба, әлде арыстан аулауға шыққанда алған жарақаты екені белгісіз.

Жерлеу рәсімі

Археологтарды таңғалдырған тағы бір жайт — жерлеу тәсілі. Жас жігіт бүк түсіп жатқан қалыпта көмілген, қасына ешқандай бұйым қойылмаған, ал қабірі өзгелерден терең қазылған. Ғалымдар мұны екі түрлі түсіндіреді: біріншісі, оның әлеуметтік мәртебесі төмен болуы мүмкін. Екіншісі, шабуылдан кейінгі жарақат салдарынан сырт келбеті өзгеріп, қауым оны «қауіпті» деп қабылдап, тереңірек жерлеген болуы ықтимал.