InfoHub Logo

Бұрынғы президент Нұрсұлтан Назарбаевтың «екінші отбасым» деп атаған Әсел Исабаеваның жаңа суреттері желіде пайда болды. Бұл жаңалықты танымал фотограф Мирас Баянов Instagram парақшасында бөліскен.

Бұл туралы Infohub.kz ақпарат агенттігі хабарлайды.

Фотографтың айтуынша, Әсел Исабаева өнерге жақын жандардың бірі. Ол өзінің жазбасында: «Мен үшін әрдайым өнерге жақын болу маңызды. Әсіресе, соның бір бөлшегіне айналған адамдармен бірге болу. Ғажайып Әсел Исабаева – менің көзқарасыммен», – деп пікір білдірген.

Әсел Исабаева кім?

Әсел Исабаева 1999 жылы «Мисс Қазақстан» атағын иеленген. Қазіргі таңда ол 46 жаста және «Астана балет» театрының арт-менеджері қызметін атқарады. Бұған дейін оның есімі халықаралық зерттеулерде де аталып, офшорлық компаниялар арқылы 30 миллион доллар алғаны туралы ақпараттар тараған болатын.

Екінші отбасы туралы

Нұрсұлтан Назарбаев өзінің екінші отбасы бар екенін 2023 жылы ғана ресми түрде мойындаған болатын. Өз мемуарында ол Әсел Исабаевамен алғашқы таныстығы сұлулық байқауынан кейін болғанын, кейін арадағы жақын қарым-қатынастың дамығанын жазған. Президенттің айтуынша, олар мұсылман дәстүрі бойынша некеге тұрған және бұл некеден Тауман мен Байкен есімді екі ұл туған.