InfoHub Logo

Мәжіліс депутаты Асхат Аймағамбетов зейнетақы аннуитеті жүйесіне қатысты маңызды өзгеріс енгізілгенін хабарлады.

Бұл туралы Infohub.kz ақпарат агенттігі хабарлайды.

Мұрагер құқығы кеңейтілді

Жаңадан қабылданған заңда зейнетақы аннуитеті бойынша мұрагерлердің құқығын кеңейтетін түзету бар. Бұған дейін зейнетақы аннуитетін рәсімдеген адам қайтыс болған жағдайда, оның шотында қалған қаражат мұрагерлеріне бірден берілмейтін. Отбасы мүшелері бұл ақшаны тек ай сайынғы төлем түрінде, ұзақ жылдар бойы бөліп алып келген.

Отбасыларға таңдау берілді

Енді бұл ереже өзгертілді. Егер зейнетақы аннуитеті бойынша шотта ақша қалса, мұрагерлер оны бұрынғыдай ай сайын бөліп алуды жалғастыра береді немесе қалған барлық соманы бір-ақ күнде, бірден толық алып кете алады. Бұрынғыдай тек бір ғана қатал шектеу жоқ, таңдау – отбасының өз қолында. Бұл өзгеріс зейнетақы аннуитеті жүйесін адамдарға ыңғайлы әрі икемді етеді.