InfoHub Logo

Атырау қаласындағы ойын-сауық саябағында «Қорқыныш бөлмесі» мен карусель өртенді. Бұл туралы ҚР Төтенше жағдайлар министрлігінің баспасөз қызметі хабарлады.

Оқиға Авангард ықшам ауданында, Тілендиев көшесіндегі ойын паркі аумағында болған. Ағаштан жасалған «Қорқыныш бөлмесі» мен карусельді өрт шалған.

Өрт сөндірушілер келген кезде нысандар толық жанып кеткені анықталды. Жануға жанғыш материалдардың көптігі себеп болған. Төтенше жағдайлар қызметкерлері өрттің көрші құрылыстарға ауып кетуіне жол бермей, оны жойды.

Куәгерлер түсірген өрт туралы кадрлар әлеуметтік желілерде жарияланды.

Зардап шеккендер жоқ, өрттің шығу себептері анықталуда.