InfoHub Logo

Белгілі продюсер Баян Алагөзованың актриса Меруерт Өтекешоваға жасаған ерекше сыйлығы көпшіліктің ықыласын аударды. Актрисаның «Қыз Жібек» фильміндегі аңызға айналған бейнесін сомдағанын ескеріп, оның жағдайын жасаған Баян Алагөзованың ілтипаты ақынның жүрегін елжіретіп, арнау өлеңге ұласқан.

Бұл туралы Infohub.kz ақпарат агенттігі хабарлайды.

Ақынның жүрекжарды шумақтары

Ақын Баян Алагөзованың кең пейілі мен үлкенге деген құрметін ерекше атап өтіп, оның жасаған жақсылығын тебіреніспен жеткізген. Өлеңде:

«Меруерттей апамызға шапан жаптың,
Құлағына бриллиант-алтын тақтың!
Пәтер жалдап тұрады дегенді естіп,
Берекесін келтірдің шаңырақтың!»

деген жолдармен продюсердің мейірімді ісі суреттелген.

Қыз Жібек пен Баян сұлу

Ақын өз жырында Баян Алагөзованы бүгінгі заманның «Қыз Жібегі» деп атап, оның рухы биік, мақсатына жеткен ханым екенін айтады. Сондай-ақ, өлеңде халық арасындағы кейбір пікірлерге де жауап беріліп, шындықты білмей жатып айыптаудың дұрыс еместігі меңзеледі.

«Кешегі күннің Меруерт апам Қыз Жібегі,
Бүгінгі күннің Баян ханым Қыз Жібегі!
Ел ауызында қалатын екі аруды,
Керегін түзер ертеңгі күннің Қыз - Жібегі!»

деп, екі арудың да ел есінде қалатынына тоқталады.

Қазақтың ұл-қыздарына үндеу

Ақын өлеңнің соңында жастарды үлкендерді сыйлауға, ізетті болуға шақырып, қазақтың ұл-қыздарына ақ батасын берген.