InfoHub Logo

Бүгін түнде, 11-нен 12 қаңтарға қараған түні, Испания Суперкубогы аясында каталондық «Барселона» мен мадридтік «Реал» арасындағы матч өтеді. Бұл матчты Қазақстанда қайдан көруге болатынын білгіңіз келсе, оқыңыз.

Бұл туралы Infohub.kz ақпарат агенттігі хабарлайды.

Матч қайда өтеді?

«Эль-Класико» матчы Сауд Арабиясының Джидда қаласындағы «Кинг Абдул Азиз Спортс Сити» стадионында өтеді. Ойынның басталуы Қазақстан уақытымен түнгі 00:00-ге жоспарланған.

Қайдан көруге болады?

Матчтың тікелей трансляциясы Sport+ телеарнасында және арнаның ресми сайтында қолжетімді болады.

Құрамдар қандай?

«Барселона»: Хоан Гарсия, Бальде, Эрик Гарсия, Кубарси, Кунде, Де Йонг, Педри, Фермин, Рафинья, Ямаль, Торрес.

«Реал»: Куртуа, Каррерас, Хёйсен, Асенсио, Вальверде, Беллингем, Тчуамени, Камавинга, Винисиус, Родриго, Гарсия.

Кімдер ойнамайды?

«Барселона» құрамында Андреас Кристенсен мен Гави жарақаттарына байланысты алаңға шықпайды, ал Рональд Араухо жеке себептермен ойынды өткізіп жібереді. «Реал» құрамында Эдер Милитао жарақат алған, ал Ферлан Менди, Трент Александр-Арнольд және Антонио Рюдигердің ойнауы күмәнді.

Өткен жылы осы екі команда арасындағы матчта «Барселона» жеңіске жетіп, Испания Суперкубогын 15-ші рет иеленген болатын. Ал «Реал» бұл трофейді 13 рет жеңіп алған.