InfoHub Logo

1930 жылы 4 сәуірде Кеңес өкіметінің ең қатыгез репрессивтік құрылымдарының бірі – КСРО Халық Комиссарлар Кеңесі жанындағы Біріккен Мемлекеттік Саяси Басқарма (ОГПУ) «үштігінің» шешімімен ұлт зиялысы Ахмет Байтұрсынұлы мен оның серіктеріне үкім шығарылды. Қазақтың рухани көсемі саналатын қайраткер бастаған 40-қа жуық адамға «контрреволюциялық әрекет» деген желеумен түрлі жаза қолданылды: бірқатары ату жазасына кесілді, ал қалғандары ұзақ мерзімге сотталып, жер аударылды.

Ахмет Байтұрсынұлы – қазақ тіл білімі мен әдебиеттану ғылымының негізін қалаған, ұлт санасын оятқан тұлға. Оның ағартушылық, ғылыми, қоғамдық-саяси қызметі қазақ халқының ұлт ретінде қалыптасуына үлкен ықпал етті. Алайда Кеңестік билік оны «ұлтшыл», «буржуазияның сойылын соғушы» деп айыптап, жазықсыз қудалады. 1937 жылы қайта тұтқындалып, сол жылдың күзінде – 8 желтоқсанда Мәскеуде ату жазасына кесілді.

Бүгінгі күн – Алаш арыстарының арманы мен жанкешті еңбегін еске алатын, халқымыздың басынан өткен зұлматты жылдарды ұмытпай, ұрпаққа сабақ ететін тарихи сәт.