InfoHub Logo

Әнші Мөлдір Әуелбекова желідегі парақшасында жазба жариялап, көпшілікке үндеу жасады. Ол жеті жылдық үзілістен кейін, яғни 3 жыл карантин мен 4 жыл декреттік демалыстан соң, өңірлерді аралап, халықпен қайта жүздесуге бел буғанын айтты.

Бұл шешімнің оңай болмағанын, оның артында үлкен толғаныс пен тәуекел тұрғанын әнші атап өтті.

Бұл туралы Infohub.kz ақпарат агенттігі хабарлайды.

Салыстырмалы талдау: Бүгін мен кеше

Мөлдір Әуелбекова 15 жыл бұрынғы гастрольдік сапарларын еске алып, сол кездегі техникалық мүмкіндіктердің тапшылығын айтты. Сапалы дыбыс аппаратурасы мен заманауи мәдениет сарайларының аз болғанын тілге тиек етті. Ал бүгінгі жағдай мүлде басқаша екенін атап өтті. Қазіргі таңда кез келген қалаға барсаңыз, жеке гримерка, кәсіби техникалық жабдықтар, көрермендерге ыңғайлы жағдай жасалғанын айтты.

Өңірлердің өркендеуі мен көрермен талғамының өсуі

Әншінің айтуынша, уақыт өте келе өңірлер де өзгерген. Мәдениет ошақтарының деңгейі жоғарылап, көрерменнің талғамы да өскен. Бұл жағдайлардың бәрі оны қуантатынын және шабыттандыратынын жеткізді.